Chłopcam, jakija zabrali miač z darohi, pahražajuć 4 hadami źniavoleńnia
Dva studenty koledža z Salihorska stali fihurantami kryminalnaj spravy za kradziež futbolnaha miača, jaki dzicia kinuła biez nahladu na darozie.
Skryn videa
Spačatku chłopcy chacieli prosta prybrać miač z darohi, bo jon pieraškadžaŭ prajezdu, ale potym niečakana vyrašyli pakinuć jaho sabie, raskazaŭ namieśnik načalnika adździeła kryminalnaha vyšuku Salihorskaha RAUS Jaŭhien Chacianovič.
Pavodle jaho słoŭ, asoby maładych ludziej byli ŭstanoŭleny ŭčastkovym inśpiektaram. Dziejańni chłopcaŭ byli kvalifikavany jak kradziež, ździejśnieny hrupaj asob.
Maksimalnaje pakarańnie, praduhledžanaje za hetaje złačynstva, — da 4 hadoŭ pazbaŭleńnia voli, paviedamlaje MUS.