Apielacyjny sud u ZŠA staŭ na bok Trampa ŭ pytańni taryfaŭ

Fiederalny apielacyjny sud ZŠA dazvoliŭ administracyi Donalda Trampa ŭvodzić impartnyja myty, paviedamlaje Assosiated Press.

Donald Tramp. Fota: AP / Alex Brandon

Raniej Sud mižnarodnaha handlu, što mieścicca na Manchetenie, pastanaviŭ, što prezident pieravysiŭ svaje paŭnamoctvy, bo takija rašeńni, pavodle Kanstytucyi ZŠA, maje prava prymać tolki Kanhres. Ale apielacyjny sud časova prypyniŭ dziejańnie hetaj pastanovy, dazvoliŭšy Trampu skarystacca nadzvyčajnymi paŭnamoctvami dla abarony ekanomiki.

Nahadajem, što 2 krasavika Tramp abviaściŭ pra ŭviadzieńnie mytaŭ na tavary z 185 krain. Minimalnaja staŭka była 10%, dla ES — 20%, dla Kitaja — 34%, a na aŭtamabili — 25%. 

U adkaz Kitaj 4 krasavika ŭvioŭ 34% myta na amierykanskija tavary, a 9 krasavika Tramp pavialičyŭ staŭku dla Kitaja da 125%. Kitaj adkazaŭ ułasnymi taryfami ŭ 84%. U vyniku sumarnaja mytnaja nahruzka na kitajski impart u ZŠA dasiahnuła 145%, uklučajučy raniej uviedzienyja 20% na fientanił.

Kamientary da artykuła