Fiederalny sud ZŠA prypyniŭ taryfy Trampa i zabaraniŭ uvodzić novyja. U Biełym domie nazvali heta «niaznačnaj pieraškodaj»
29 traŭnia fiederalny sud ZŠA pastanaviŭ, što Donald Tramp pieravysiŭ svaje paŭnamoctvy, kali ŭvioŭ šyrokamaštabnyja impartnyja taryfy, jakija zakranuli jak bujnyja kampanii, tak i zvyčajnych amierykancaŭ. Sud spyniŭ dziejańnie hetych taryfaŭ, uklučajučy «śviatočnyja» taryfy, abvieščanyja 2 krasavika, i zabaraniŭ uvodzić novyja, piša «Jeŭrapiejskaja praŭda».
Asobna sud zabaraniŭ prymianiać taryfy, jakija raniej byli ŭviedzienyja suprać Kitaja, Mieksiki i Kanady — jakija nibyta mieli metu baraćby z kantrabandaj fientaniłu.
Rašeńnie vynies Mižnarodny handlovy sud ZŠA na Manchetenie pa pazovie pravaabarončaj arhanizacyi Liberty Justice Center, jakaja pradstaŭlała intaresy małych biznesaŭ. Sud paličyŭ, što Tramp nie mieŭ prava ŭvodzić taryfy biez zhody Kanhresa, navat kali spasyłaŭsia na zakon ab nadzvyčajnych ekanamičnych paŭnamoctvach (IEEPA), bo hety zakon nie praduhledžvaje vykarystańnie taryfaŭ jak miery reahavańnia.
Sud daŭ 10 dzion dla vykanańnia pastajannaj sudovaj zabarony. Tramp užo padaŭ apielacyju, i sprava, vierahodna, dojdzie da Viarchoŭnaha suda. U vyniku kančatkovaje rašeńnie pakul zastajecca niavyznačanym, a baraćba vakoł taryfaŭ praciahvajecca.
Tym časam Bieły dom vystupiŭ z rezkaj krytykaj rašeńnia. Pres-sakratar zajaviŭ, što «sudy nie pavinny vyrašać, jak dziejničać padčas kryzisu», a daradca Trampa Styvien Miler nazvaŭ heta «sudovym pieravarotam, jaki vyjšaŭ z-pad kantrolu».
Administracyja Trampa daje zrazumieć, što nie źbirajecca admaŭlacca ad svaich płanaŭ.
Kiraŭnik Nacyjanalnaj ekanamičnaj rady Kievin Chaset 29 maja nazvaŭ sudovaje rašeńnie «niaznačnaj pieraškodaj», jakuju stvaryli «sudździ-aktyvisty». Jon zajaviŭ, što taryfnaja stratehija Trampa ŭžo prynosić plon: krainy pačali adkryvać svaje rynki dla amierykanskich tavaraŭ i źnižać handlovyja barjery. Kali ž hetaha nie adbudziecca, jany musiać čakać novych taryfaŭ.
Chaset taksama nie pahadziŭsia z vysnovami suda pra pieravyšeńnie prezidenckich paŭnamoctvaŭ. Jon śćviardžaje, što kryzis ź fientaniłami ŭ ZŠA — heta realnaja nadzvyčajnaja situacyja, jakaja apraŭdvaje dziejańni prezidenta.
Niahledziačy na mahčymuju parazu ŭ apielacyi, u Biełym domie zajaŭlajuć, što majuć inšyja jurydyčnyja instrumienty, kab praciahnuć taryfnuju palityku. Pavodle Chaseta, administracyja raźličvaje, što apielacyja ŭsio ž pakinie taryfy ŭ sile, kab dasiahnuć damoŭlenaściaŭ z partniorami — mahčyma, užo da lipienia.
Inšyja pradstaŭniki administracyi taksama vystupili z rezkaj krytykaj suda. Namieśnik pres-sakratara Biełaha doma Kuš Desai zajaviŭ, što «nievybranyja sudździ nie pavinny vyrašać, jak dziejničać u kryzis», a daradca Trampa Džejsan Miler nazvaŭ rašeńnie suda «vybrykam hłybinnaj dziaržavy».
Iłan Mask vystupiŭ z vostraj krytykaj novaha zakona, prapanavanaha Trampam
Tramp prapanavaŭ Kanadzie dostup da abarony pad «Załatym kupałam». Pry adnoj umovie
Tramp adkłaŭ uviadzieńnie 50-pracentnych pošlin na tavary ź ES da lipienia
Ministr abarony Hiermanii padčas vizitu ŭ ZŠA zapatrabavaŭ admianić pošliny dla ES
ZŠA i Kitaj pačali pieramovy ab razradcy «handlovaj vajny»
Kamientary