Rasija pastaviła ŭ Biełaruś novyja bajavyja viertaloty
Novyja transpartna-bajavyja viertaloty Mi-35M prybyli ŭ Biełaruś z Rasii, paviedamlaje Ministerstva abarony.
Fota: Minabarony
Užo ŭ najbližejšy čas technika zastupić na bajavoje dziažurstva. Adznačajecca, što viertaloty dastaŭleny ŭ miežach vajenna-techničnaha supracoŭnictva dźviuch krain. Za šturvałam — biełaruskija lotčyki.
Jak prainfarmavaŭ načalnik Hałoŭnaha štaba — pieršy namieśnik kamandujučaha VPS i vojskami PPA Siarhiej Frałoŭ, viertalot Mi-35 — heta hłybokaja madernizacyja Mi-24, jon zdolny vykonvać uvieś śpiektr bajavych zadač.
Pavodle danych Minabarony, u śpiektr zadač viertalota ŭvachodzić paražeńnie žyvoj siły i techniki praciŭnika, ahniavaja padtrymka, desantavańnie, evakuacyja paranienych, raźviedka i transparciroŭka hruzaŭ.