U Mahilovie pradajuć 10 ton bulby ŭsiaho pa 60 kapiejek za kiło. Što ź joj nie tak?

Na sajcie abjaŭ źjaviłasia niezvyčajna tannaja bulba — usiaho pa 60 kapiejek za kiłahram. Pry hetym jaje šmat — ažno 10 ton, i pradajecca jana ŭ Mahilovie, zaŭvažyŭ Blizko.by.

Čamu takaja nizkaja cana? U apisańni paznačana, što heta korm dla žyvioły, choć i možna vykarystoŭvać jak zachočacca. Bulba drobnaja abo siaredniaja, suchaja, biez hnili i brudu, ale vielmi ćviordaja — «jak kamień». Rasfasavanaja pa sietkach pa 33—34 kiłahramy.

Na fotazdymkach bulba vyhladaje nie takoj užo i drobnaj, jak zajaŭlena.

Z-za svajoj ćviordaści jana, chutčej za ŭsio, nie padydzie dla taho, kab varyć ci kłaści ŭ supy. Da taho ž abjava raźmieščanaja ŭ raździele tavaraŭ dla žyvioł, tamu treba być uvažlivymi.

Kali nabyć bolš za 300 kiłahramaŭ, pradaviec abiacaje biaspłatnuju dastaŭku pa Mahilovie i rajonnych centrach vobłaści.

Kamientary da artykuła