Łukašenka: Treba vyraścić stolki bulby, kab chapiła i nam, i Rasii. Treba dapamahčy bratam-rasijanam
Alaksandr Łukašenka na sustrečy z kiraŭnikom Bresckaj vobłaści zakranuŭ haračuju temu bulby.
Łukašenka daručyŭ Piatru Parchomčyku vyraścić stolki bulby, kab chapiła i Biełarusi, i Rasii. Pry hetym pytańnie deficytu bulby jon nazvaŭ vielmi surjoznym, piša BiełTA.
«Vielmi šmat razmovaŭ. Asabliva paśla narady ŭ prezidenta Rasii, dzie jon tam pažartavaŭ nakont bulby. Ale dla nas heta vielmi surjoznaje pytańnie. U jakim płanie? Čaho-čaho, ale bulbu my vyroščvać umiejem. Treba vyraścić stolki, kab chapiła nam i Rasii», — skazaŭ Łukašenka.
Jon dadaŭ, što Biełaruś pavinna dapamahčy Rasii spravicca z deficytam aharodniny.
«Treba dapamahčy bratam-rasijanam. I potym, heta ž nie dabračynnaść. Heta i prystojnyja hrošy, prystojnyja ceny», — skazaŭ Łukašenka.
Za apošnija dva dni Uładzimir Pucin dvojčy ŭspaminaŭ pra bulbu ŭ Biełarusi. Spačatku jon vielmi ździviŭsia, kali daviedaŭsia ab deficycie hetaj aharodniny, a potym raspavioŭ pra skarhi, jakija vykazvaŭ u razmovie ź im Łukašenka — maŭlaŭ, usiu biełaruskuju bulbu pradali ŭ Rasiju.
Kamientary