Maładuju kaspłejščycu kinuli ŭ kałoniju za «zakliki da pryčynieńnia škody Biełarusi»
30-hadovaj Lidzii Horachavaj pahražała ad 4 da 12 hadoŭ źniavoleńnia.
Lidzija Horachava. Fota ź jaje staronki Ukantakcie
Lidzii Horachavaj 30 hadoŭ. Jana rodam z Mahilova, vučyłasia ŭ licei №1 na fiłałahičnym profili, skončyła jaho ŭ 2011 hodzie.
Dalej pierajechała ŭ Minsk i vučyłasia ŭ Vyšejšym dziaržaŭnym kaledžy suviazi (ciapier — Biełaruskaja dziaržaŭnaja akademija suviazi) pa dźviuch śpiecyjalnaściach — technik paštovaj suviazi i markietołah-ekanamist. Paśla zavočna advučyłasia na ekanamista. Pracavała mieniedžaram pa prodažach u roznych kampanijach u Minsku.
Miarkujučy pa sacsietkach, dziaŭčyna zachaplajecca kaspłejem i fatahrafujecca ŭ roznych vobrazach, jakija stvaraje sama. Taksama jana lubić malavać i dzielicca svaimi malunkami.
Lidzija Horachava ŭ adnym z vobrazaŭ. Fota ź jaje staronki Ukantakcie
Dziaŭčynu asudzili pa č. 3 art. 361 KK — «zakliki da sankcyj ci inšyja dziejańni, nakiravanyja na škodu Biełarusi». Sutnaść abvinavačańniaŭ niezrazumiełaja. Prysud ustupiŭ u siłu ŭ mai 2025 hoda. 30 maja jaje dadali ŭ śpis «ekstremistaŭ».
Prysudžany termin nieviadomy, ale Lidzii pahražała ad 4 da 12 hadoŭ źniavoleńnia.
Čytajcie taksama:
Maładuju arhanizatarku viasiellaŭ asudzili za «raspalvańnie varožaści»
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd
73-hadovuju minčanku asudzili za ŭdzieł u pratestach i dadali ŭ śpis «ekstremistaŭ»