Adbyŭšy 5 hadoŭ źniavoleńnia, vyzvaliŭsia palitviazień Siarhiej Vieraščahin
Z turmy vyjšaŭ žychar Homiela Siarhiej Vieraščahin, jakoha mocna źbili padčas zatrymańnia ŭ žniŭni 2020 hoda, piša «Homielskaja viasna». Jon adbyŭ uvieś prysudžany jamu termin.
Siarhiej Vieraščahin
Siarhieja Vieraščahina aryštavali 12 žniŭnia 2020 hoda ŭ kvatery, dzie jon žyŭ z maci, paśla ŭdziełu ŭ pratestach. Paśla zatrymańnia advakatka nastajała na miedycynskim ahladzie. U Siarhieja vyjavili ciažkija paškodžańni: čerapna-mazhavuju traŭmu, udar mozhu, šmatlikija hiematomy, paškodžańni chrybietnika i inšaje.
Na sudzie milicyjanty śćviardžali, što Siarhiej nibyta kidaŭ z akna butelki ŭ ich i sam sabie nanios traŭmy, bjučysia ab ścieny. Sam ža mužčyna zajaŭlaŭ, što jaho źbili ŭ Centralnym RAUSie. Sudździa Siarhiej Sałoŭski, adnak, praihnaravaŭ jahonyja śviedčańni i asudziŭ Vieraščahina na 5 hadoŭ kałonii.
Spačatku Vieraščahin adbyvaŭ termin u kałonii № 13 u Hłybokim, ale ŭ kastryčniku 2021 hoda jaho pieraviali na jašče bolš žorstki režym — z kałonii ŭ turmu №4 u Hrodnie, dzie jon i adbyvaŭ termin da vyzvaleńnia 23 maja 2025 hoda.
Pravaabaroncy pryznali Siarhieja Vieraščahina palitviaźniem 7 krasavika 2021 hodzie, a MUS Biełarusi 28 kastryčnika 2022 hoda ŭklučyła jaho ŭ śpis «ekstremistaŭ», što značna abmiažoŭvaje pravy mužčyny navat paśla vyzvaleńnia.
Čytajcie taksama:
Chto taki Siarhiej Sałoŭski — sudździa, što ŭviaźniŭ muzykaŭ z Tor Band
Palitviazień Dźmitryj Suščyk całkam adbyŭ termin i vyjšaŭ na volu
Praź dzieviać miesiacaŭ paśla vyzvaleńnia pamior palitviazień Valeryj Bohdan
Błohier-pravakatar Jaŭhien Kakojta ŭ źniavoleńni schudnieŭ na 30 kh