Ukrainskaja raźviedka zajaviła pra padryŭ rasijskaha vajskovaha ciahnika pad Mielitopalem
U noč na 31 maja 2025 hoda na čyhunačnym učastku kala časova akupavanaha pasielišča Jakimaŭka Mielitopalskaha rajona Zaparožskaj vobłaści adbyŭsia vybuch — byŭ padarvany rasijski vajskovy ciahnik. Pra heta paviedamlaje Hałoŭnaje ŭpraŭleńnie raźviedki Minabarony Ukrainy.
Pavodle źviestak HUR, «tavarniak» nakiroŭvaŭsia ŭ bok anieksavanaha Kryma. U vyniku vybuchu sastaŭ z cysternami z palivam i hruzavymi vahonami syšoŭ z rejek.
Jak śćviardžajecca, klučavaja łahistyčnaja arteryja rasijskich vojskaŭ na akupavanych terytoryjach Zaparožskaj vobłaści i Krymu była parušanaja.
Nijakich fota ci videa pakul nie źjaviłasia. Rasijski bok pra zdareńnie nie paviedamlaŭ.
Pierad hetym stała viadoma pra zdareńni na mastach u Branskaj i Kurskaj abłaściach. Rasijskija ŭłady padazrajuć dyviersii.
Čytajcie taksama:
U Branskaj vobłaści most, pa jakim jechała fura, abrynuŭsia na pasažyrski ciahnik. Siem zahinułych
U Rasii abrynuŭsia druhi za noč čyhunačny most. Padazrajuć dyviersiju
Pierad abrušeńniem mosta ŭ Branskaj vobłaści pasažyry čuli vybuch