Jak paviedamlaje kanał «VČK-OHPU», pasažyry ciahnika №86 Klimaŭsk — Maskva niepasredna pierad abrušeńniem mosta čuli vybuch. Śledčyja razhladajuć viersiju dyviersii, tym bolš što niadaŭna pablizu byŭ znojdzieny schron z vybuchoŭkaj, śćviardžaje kanał.
U Branskaj vobłaści viečaram 31 maja abrynuŭsia most, pa jakim ruchaŭsia pasažyrski ciahnik №86 Klimaŭsk — Maskva. U vyniku zdareńnia zahinuli siem čałaviek, dziasiatki atrymali traŭmy.
Na moście ŭ čas zdareńnia znachodzilisia fura i lehkavik, jakija razam z mostam ŭpali prama na hałoŭnuju častku ciahnika.
U ciahniku było 11 vahonaŭ, u im znachodzilisia 464 pasažyry. Pavodle apošniaj infarmacyi, zahinuli 7 čałaviek, u tym liku dva mašynisty, čyje cieły jašče zastajucca pad zavałami.
Miesca avaryi ŭjaŭlaje saboj hrudu skryŭlenaha mietału.
Krynica telehram-kanała taksama adznačaje, što kala dvuch tydniaŭ tamu ŭ tym ža Vyhanickim rajonie, prykładna za 50 kiłamietraŭ ad Branska, byŭ znojdzieny schron sa vybuchoŭkaj.
Taksama siońnia nočču ŭ Kurskaj vobłaści abrynuŭsia čyhunačny most padčas prachodžańnia pa im hruzavoha ciahnika. Častka vahonaŭ zvaliłasia na aŭtamabilnuju darohu, jość paranienyja.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek5
Za minuły hod nasielnictva Biełarusi skaraciłasia jašče na 53 tysiačy čałaviek
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ2020
Kamientary