Ukraina pieradała svoj miemarandum Rasii na ŭkrainskaj i anhlijskaj movach
Rasijski bok svoj varyjant miemaranduma tak i nie pieradaŭ.
Ramil Sitdikov, Sputnik Pool Photo via AP
Kiraŭnik rasijskaj delehacyi ŭ Stambule Uładzimir Miadzinski zajaviŭ, što Ukraina pieradała svoj miemarandum — na ŭkrainskaj i anhlijskaj movach, piša «Mieduza».
Pavodle słoŭ Miadzinskaha, jakoha cytuje telekanał RT, rasijski bok atrymaŭ ad Ukrainy miemarandum ab mirnym pahadnieńni na dźviuch movach — ukrainskaj i anhlijskaj. «Ničoha, my spravilisia. U našaj delehacyi ludzi, jakija viedajuć samyja roznyja movy. Kali što, dvoje svabodna vałodajuć japonskaj», — zajaviŭ Miadzinski.
Napiaredadni Reuters apublikavaŭ poŭny tekst mirnych prapanoŭ, jakija delehacyja Ukrainy maje namier pradstavić rasijskamu boku na druhim raundzie pieramovaŭ u Stambule.
Rasijski bok svoj varyjant miemaranduma tak i nie pieradaŭ — i, pavodle źviestak krynicy «Interfaksa», płanuje zrabić heta niepasredna na pieramovach. Kijeŭ niekalki razoŭ zaklikaŭ rasijski bok pieradać svoj dakumient zahadzia, kab abmierkavańnie było pradmietnym. Prezident Ukrainy Uładzimir Zialenski havaryŭ, što heta «vyhladaje nie vielmi surjozna».