Haradzienka skrała pad kamierami ŭ kramie cukierki
U kancy maja ŭ Kastryčnickaje RAUS z zajavaj źviarnuŭsia 40-hadovy miascovy žychar. Jon paviedamiŭ, što zhubiŭ cukierki i 180 rubloŭ.
Mužčyna zrabiŭ pakupki ŭ kramie pa vulicy Volhi Sołamavaj i zabyŭ skrynku z cukierkami na stoliku. Kali apamiataŭsia i viarnuŭsia, to ŭžo ničoha nie było, paviedamlaje abłasnaja milicyja.
Akazałasia, što 48-hadovaja haradzienka zabrała sabie pakinutuju skrynku, pryjšoŭšy dadomu, znajšła tam hrošy, ale pra znachodku nikomu nie paviedamiła.
Darečy, kali žančyna znoŭ pryjšła ŭ kramu, tam jaje čakali supracoŭniki milicyi. Skradzienaje jana viarnuła paciarpiełamu.
Zaviedziena kryminalnaja sprava pa artykule «Kradziež». Sankcyja artykuła praduhledžvaje maksimalnaje pakarańnie ŭ vyhladzie pazbaŭleńnia voli na termin da troch hadoŭ.
Milicyja nahadvaje, što majomaść, časova pakinutaja ŭładalnikam biez nahladu, ličycca ŭ jaho vałodańni. Jaje prysvajeńnie kvalifikujecca jak kradziež.