U Bavaryi biełarus jechaŭ zihzahami na fury z 2,4 pramile
U niamieckaj Bavaryi spynili Polski hruzavik z 45-hadovym biełarusam za rulom. Jon byŭ pjany, a ŭ kabinie jašče i znajšli narkotyki, piša sajt «Biełaruś i mir».
Zdymak ilustracyjny. Fota: partsq.com
Fura ruchałasia ŭ subotu 31 maja kala 22.30 viečara pa trasie A8 u napramku Miunchiena. Patrul zaŭvažyŭ, što aŭtaciahnik jedzie, chistajučysia z boku ŭ bok, tamu paśla prajezdu hramady Iršenbierh vyvieła jaho z ruchu dla pravierki.
Kiroŭca dobraachvotna prajšoŭ ałkatest. Padazreńni ŭ jaho niećviarozaści paćvierdzilisia — prybor pakazaŭ najaŭnaść u arhaniźmie bolš za 2,4 pramile. Mužčynu adpravili ŭ balnicu dla ŭziaćcia ŭzoru kryvi na analiz i kanfiskavali ŭ jaho pravy.
Adnak hetym sprava nie skončyłasia. Pry ahladzie kabiny ŭ joj znajšli jašče 1,3 hrama marychuany.
Tamu biełarusu ciapier pryjdziecca adkazvać pa dvuch artykułach: za kiravańnie ŭ niećviarozym vyhladzie i za parušeńnie zakona ab abaračeńni narkatyčnych srodkaŭ.
Kab viarnuć ciahač z paŭpryčepam, polskamu pieravozčyku daviałosia adpravić u Iršenbierh źmiennaha kiroŭcu.
Čytajcie taksama:
U Francyi biełarusa-dalnabojščyka znajšli miortvym u jaho mašynie
U Baranavičach mužčynu abvinavacili ŭ padpale aŭtamabila vajskoŭca ŭnutranych vojskaŭ
Trahiedyi na piešachodnych pierachodach: čamu kiroŭcy źbivajuć ludziej? Instruktar nazyvaje pamyłki