Pamior kampazitar Jaŭhien Doha
3 červienia 2025 hoda na 89-m hodzie pajšoŭ z žyćcia viadomy małdaŭski kampazitar. Da apošnich dzion žyćcia jon byŭ taksama nieprymirymym krytykam rasijskaha impieryjalizmu.
Jaŭhien Doha naradziŭsia 1 sakavika 1937 hoda ŭ Małdovie.
Jon staŭ adnym z samych viadomych i ŭpłyvovych kampazitaraŭ postsavieckaj prastory. Jaho tvorčaść achoplivała šyroki śpiektr žanraŭ — ad simfaničnaj i kamiernaj muzyki da piesień i muzyki dla kino.
Asablivuju viadomaść jamu prynieśli miełodyi da filmaŭ «Moj łaskavy i piaščotny źvier», «Tabar idzie ŭ nieba» i inšych.
Jaŭhien Doha byŭ uznaharodžany mnostvam prestyžnych zvańniaŭ i ordenaŭ, u tym liku atrymaŭ zvańnie narodnaha artysta SSSR.
Apošnija hady jon žyŭ u Kišyniovie. Tam jahonym imiem pry žyćci byli nazvanyja muzyčnaja škoła i vulica.
Da apošnich dzion žyćcia jon byŭ taksama nieprymirymym krytykam rasijskaha impieryjalizmu. 21 maja 2023 hoda, 86-hadovym, jon uziaŭ udzieł u «Vialikim nacyjanalnym schodzie ŭ padtrymku jeŭraintehracyi», jaki adbyŭsia ŭ Kišyniovie.