U Baranavickim rajonie pierakuliłasia łodka z dvuma rybakami
Siońnia ranicaj rataŭnikam patelefanavaŭ mužčyna i paviedamiŭ, što na vadaschoviščy Kutaŭščyna pieraviarnułasia matornaja łodka z dvuma rybałovami, paviedamlaje MNS.
Vyśvietliłasia, što dvoje mužčyn rybačyli z łodki, mator zahłuch, jany sprabavali zavieści jaho, ale łodka pierakuliłasia.
Mužčyny biez ratavalnych kamizelek apynulisia ŭ vadzie na adlehłasci kala 200 mietraŭ ad bieraha. Jany trymalisia za łodku.
Z dapamohaj ratavalnaj łodki rabotniki MNS nakiravalisia da rybałovaŭ. Adnamu z ich kinuli ratavalny kruh, druhoha dastali z vady, uziaŭšy jaho pad ruki.
Mužčyny byli pasadžanyja ŭ łodku i dastaŭlenyja na bierah.