Mikołu Statkieviča pieravodziać u viosku Błoń (abnoŭlena),
dzie jon budzie adbyvać reštu terminu
Mikoła Statkievič miarkuje, što ciapier varta čakać pravakacyj.
U sieradu stała viadoma, što kančatkovym miescam pražyvańnia i pracy lidera Biełaruskaj sacyjał-demakratyčnaj partyi (Narodnaja Hramada) budzie vioska Błoń Puchavickaha rajonu.
Pa stanie na 18.50, Mikoła Statkievič čakaje mašynu, jakaja adviazie jaho na novaje miesca "pražyvańnia". Pobač z palitviaźniem – žurnalisty i fotakarespandenty.
U ekspres-interviju "Našaj Nivie" Mikoła Statkievič nastupnym čynam patłumačyŭ pryčyny svajho pieravodu z Baranavičaŭ, dzie žyvie jahony stareńki baćka, u Puchavicki rajon. "Tut šmat niezrazumiełaha. Miarkuju, što paprostu baranavickaja milicyja admoviłasia rabić pravakacyi suprać mianie. U Marjinaj Horcy jość bryhada specnazu. Tamu varta čakać pravakacyj".
Mikoła Statkievič budzie pracavać na dziaržaŭnym plemiannym zavodzie "Industryja" elektrykam. Pracoŭny dzień na čas pasiaŭnoj z 6.30 da 20.00 biez abiedzienaha pierapynku.
Nahadajem, što ŭ paniadziełak stała viadoma, što lider BSDP (NH) pieravodziać z Baranavičaŭ, dzie jon pravioŭ bolš jak hod, u Puchavicki rajon. Napačatku mierkavałasia, što M.Statkievič budzie adbyvać reštu "chimii" – jon byŭ asudžany razam z Paŭłam Sieviaryncam za arhanizacyju akcyj pratestu na vyniki referendumu 17 kastryčnika 2004 h. – u vioscy Sitniki.
Cikava, što Błoń jość adnym z najstarejšych biełaruskich kurortaŭ, dzie miascovaja publika ŭ XIX st. utvaryła adna z revalucyjnych supołak arhanizacyi "Narodnaja vola".
❏
Hłčdzi jašče: Fota z «chimijaŭ» Statkieviča ŭ błogu Julii Daraškievič