Naviedać palitviaźnia Statkieviča pajechała delehacyja BNF, Milinkievič i žurnalisty.
Sitnickaja vypraŭlenčaja ŭstanova adkrytaha typu №40 mieścicca ŭ byłym dziciačym sadku. Na dvary niama nivodnaj łavy, zatoje jość dziciačyja karusielki i pafarbavanyja ŭ kolery viasiołki kamiani.
Mikołu Statkieviča my znajšli za zboram rečaŭ – za kolki času da našaha pryjezdu jamu paviedamili, što ź Sitnikaŭ jaho pieravodziać u viosku Błoń. Takim čynam, apošnija try dni lider BSDP (NH) adbyvaje pakarańnie ažno ŭ troch miescach – u Puchavicki rajon jaho pierakinuli ŭ paniadziełak z Baranavičaŭ, dzie jon bolš za hod byŭ na «chatnim režymie».
U Błoni Statkieviča ŭładkavali na pracu – na dziaržaŭny plemianny zavod «Industryja». Skazali, što budzie ramantavać tam sielskahaspadarčuju techniku. Padčas uboračnaj pracoŭny dzień budzie z 6.30 da 20.00 bieź pierapynku na abied.
Pasialili Statkieviča ŭ sanatoryj-prafiłaktoryj (Błoń jość adnym z najstarejšych biełaruskich kurortaŭ, napisała NN) . Tam žyvuć i chimiki, i maładyja śpiecyjalisty (i śpiecyjalistki), što pryjechali pracavać na viosku pa raźmierkavańni, pravodziacca bankiety i viasielli.
Pakoj Statkieviča raźličany na try čałavieki. Prybiralnia na kalidory. U budynku sanatoryja jość stałoŭka.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary