Pamierła Alaksandra Čarniaŭskaja
Pra śmierć svajoj maci paviedamiła jaje dačka Julija Čarniaŭskaja ŭ sacsietkach.
Alaksandra Čarniaŭskaja
Alaksandra Čarniaŭskaja vučyłasia ŭ BDMU i pracavała psichaterapieŭtkaj. Joj było 86 hadoŭ.
Heta pra jaje «Naša Niva» pisała 29 žniŭnia 2020 hoda: «Sivaja žančyna hadoŭ 75-ci na 2-m paviersie doma nad «Lankom» uvieś čas, pakul išło šeście, apładziravała ludziam łapkami svajho biełaha bišona (sabačka, padobny da pudziela)».
Jaje dačka — Julija Čarniaŭskaja, biełaruskaja vučonaja, kulturołah, prafiesarka BDUKM. Aŭtarka knih, ramanaŭ i pjes, byłaja palitźniavolenaja i ŭdava zasnavalnika TUT.by Juryja Zisiera.
U 2024 hodzie Julija Čarniaŭskaja prezientavała knihu paezii, napisanuju pad chatnim aryštam. Jana pryśviaciła jaje mužu.