Pakistanskaje biuro zaniataści apublikavała 240 vakansij u Biełarusi
Pracavać pakistancam prapanoŭvajuć malarami, bietonščykami i inšymi rabotnikami na budoŭlach. Infarmacyju zaŭvažyŭ Reform.
Hramadskija aŭtobusy, upryhožanyja dekaracyjami, na vulicach Karačy, Pakistan, 5 sakavika 2025 h. Fota: Adsiz Gunebakan / Anadolu via Getty Images
Vakansii ŭ Biełarusi dla pakistancaŭ apublikavała Biuro pa mihracyi i pracaŭładkavańniu na miažoj. Adkryty 240 pazicyj.
Jak vyśvietlili žurnalisty Reform, patrabujucca 100 mularoŭ, 50 pamočnikaŭ mulara, 60 bietonščykaŭ i 30 pamočnikaŭ cieślara.
Abiacanyja zarobki — 500-600 dalaraŭ. Rabočym prapanujuć biaspłatnaje pražyvańnie, charčavańnie i miedpasłuhi, ale kvitok u Biełaruś pryjdziecca kuplać za svoj košt.
Na jakich biełaruskich pradpryjemstvach čakajuć pakistancaŭ, nie ŭdakładniajecca.
Pracaŭładkavańniem zajmajecca pakistanskaja kampanija RBS Brothers. Na svajoj staroncy ŭ fejsbuku jana taksama raźmiaściła abjavu ab 70 vakansijach u Biełarusi: mularoŭ, bietonščykaŭ, kiroŭcaŭ pahruzčykaŭ, ekskavataraŭ i buldozieraŭ.
Skrynšot sa staronki RBS Brothers
Zarobki paznačanyja adrazu ŭ biełaruskich rublach i dalarach — 1800-2400 rubloŭ (600-750 dalaraŭ). Asobna ahavorvajecca, što zarobak zasnavany na vykanańni «minimalnych vytvorčych pakazčykaŭ». Praciahłaść pracoŭnaha kantraktu — dva hady.