Rasijskija samaloty nie źniščanyja, a paškodžanyja padčas ataki, ich adnoviać — namieśnik ministra zamiežnych spraŭ Rasii
Namieśnik ministra zamiežnych spraŭ Rasii Siarhiej Rabkoŭ zajaviŭ, što ŭkrainskija zajavy pra maštabnyja razbureńni nie adpaviadajuć rečaisnaści, piša Astra.
Raniej SBU pakazała kadry śpiecapieracyi «Pavucińnie», jakaja prajšła 1 červienia, u vyniku jakoj, jak śćviardžajecca, byŭ paškodžany 41 vajenny samalot stratehičnaj avijacyi RF.
Paźniej NATA paćvierdziła, što ŭ vyniku ataki byli paškodžanyja 40 rasijskich samalotaŭ, ź jakich 10—13 — źniščanyja. Pavodle ich danych, paškodžanyja 15 bambardziroščykaŭ TU-95, 12 adzinak TU-22M3 i adzin samalot rańniaha papiaredžańnia A-50.
«Hetyja samaloty z pačatku vajny vypuścili bolš za 3000 kryłatych rakiet, jakija traplali ŭ hramadzianskija abjekty i infrastrukturu Ukrainy», — zajaviŭ pradstaŭnik NATA na bryfinhu ŭ Brusieli.