Chrenin: Biełaruś cikavić dośvied Pakistana ŭ baraćbie z teraryzmam
U ramkach vizitu ŭ Pakistan ministr abarony Biełarusi Viktar Chrenin pravioŭ sustreču z namieśnikam ministra abarony krainy Muchamadam Ali, paviedamlaje telehram-kanał Minabarony.
Fota: Minabarony
Viktar Chrenin abmierkavaŭ z Muchamadam Ali adnosiny ŭ vajennaj śfiery, uzajemadziejańnie Biełarusi i Pakistana pa linii pastavak i avijazłučeńni.
Ministr abarony adznačyŭ, što biełaruskamu boku taksama cikavaje vyvučeńnie dośviedu Pakistana ŭ baraćbie z teraryzmam. Akramia taho, ujaŭlaje cikavaść arhanizacyja abmienu vopytam u pytańniach budaŭnictva i raźvićcia ŭzbrojenych sił, vajennaj adukacyi, padrychtoŭki vojskaŭ i kadraŭ. Viktar Chrenin zaprasiŭ Muchamada Ali ŭ Biełaruś, adznačyŭšy, što krainu možna naviedać bieź vizy.
Namieśnik ministra abarony Pakistana, u svaju čarhu, vykazaŭ hatoŭnaść pryniać udzieł u detalovaj prapracoŭcy pytańniaŭ arhanizacyi avijaznosin pamiž krainami, vykazaŭšy zacikaŭlenaść u padpisańni adpaviednaha pahadnieńnia.