Samuju darahuju kvateru ŭ Minsku ŭ mai pradali za 900 tysiač dalaraŭ
U apošni miesiac viasny samuju darahuju kvateru ŭ Minsku pradali na praśpiekcie Pieramožcaŭ. Jana abyšłasia pakupniku ŭ $903,7 tys., piša Realt. U kvatery šeść pakojaŭ, ahulnaja płošča — 264 kvadraty.
Jana znachodzicca na vysokim paviersie ŭ žyłym kompleksie premium-kłasa D3 na skryžavańni praśpiekta Pieramožcaŭ i vulicy Ratamskaj u Lebiadzinym. Cana za mietr — $3425.
Žyły kompleks D3 składajecca z troch karkasna-błočnych damoŭ pa 26 pavierchaŭ. Pieršy zdali ŭ 2017 hodzie, a apošni — u 2019-m. Zabudoŭščyk — STAA «ŚvitChoum».
U krasaviku samaj darahoj stała šaścipakajovaja kvatera ŭ «domie Čyža» na Staražoŭskaj, jakaja abyšłasia pakupniku pryblizna ŭ $760 tys.