Pamiežny kamitet: Polšča pierastała prymać aŭtobusy
Polski bok prypyniŭ propusk aŭtobusaŭ praz punkt propusku «Tarespal» (ź biełaruskaha boku — «Brest»). Zhodna z infarmacyjaj Dziaržpahrankamiteta Biełarusi, z 10.00 polskija kantrolnyja słužby spynili zapusk aŭtobusaŭ na svaju terytoryju.
Fota: Mytny kamitet
Taksama ź viečara 4 červienia nazirajucca pieraboi ŭ pryjomie lehkavych aŭtamabilaŭ.
Na hety momant bolš za try hadziny vyjezdu ŭ Polšču čakajuć čatyry aŭtobusy, aformlenyja biełaruskim bokam. Ahułam u čarzie na vyjezd ź Biełarusi ŭ Polšču znachodziacca 1 555 lehkavych aŭtamabilaŭ i 55 aŭtobusaŭ.
Pavodle čata biełarusaŭ, jakija pišuć ab situacyi na miežach, u 14.17 polskija pamiežniki zapuścili dva aŭtobusy na ŭjezd u Polšču.