Piensijanierki ŭ Breście rašyli razabracca ź biazdomnymi katami, bo tyja «hadzili na kvietki»
Babuli vylivali na luki ŭ dvary maź Višnieŭskaha. U spravu ŭmiašałasia milicyja.
Babuli ŭ bresckim dvary. Fota: tiktok.com/@mamma_mia30
Videa z bresckimi piensijanierkami apublikavali ŭ tyktoku. U dvary na vulicy Kirava jany vylivali na luki maź Višnieŭskaha — kazali, što niezadavolenyja biazdomnymi katami, jakija «hadzili na kvietki».
Žančyna, što ich zdymała, vyrašyła, što tak babuli chočuć patravić katoŭ. Videa naźbirała amal 1,5 miljony prahladaŭ. U kamientaryjach mierkavańni raździalilisia: niechta zastupiŭsia za žyvioł, chtości — za babul.
Katy ŭ bresckim dvary. Fota: KRIEPOSŤ / Telegram
U spravu ŭmiašałasia i milicyja: jany vyśvietlili, što 74-hadovaja žycharka pračytała, što maź Višnieŭskaha moža spužać žyvioł i prymusić ich syści z terytoryi. Usie katy zastalisia žyvyja.
«Namieru na atručvańnie katoŭ u jaje nie było», — kažuć u viedamstvie.
Luki ŭ bresckim dvary. Fota: KRIEPOSŤ / Telegram