Kala Lidskaha zamka ŭładkujuć nabiarežnuju dla špacyraŭ

U Lidzie prakładuć novuju vieła-piešachodnuju ściežku ŭzdoŭž raki ŭ centry, niepadalok ad zamka. Tam buduć naviesy i łaŭki z padśvietkaj, piša Hrodna.life.

Zdymak ilustracyjny. Fota: Jandeks.Karty

Prahułačnuju nabiarežnuju ŭładkujuć ad vulicy Mitrapalita Fiłareta da vulicy Hrunvaldskaj i ad Hrunvaldskaj da vulicy Zamkavaj u rajonie Lidskaha zamka. Uzdoŭž vieła-piešachodnaj ściežki rasstaviać małyja architekturnyja formy. Heta buduć naviesy-pierhały z dreva i mietału z aśviatleńniem, łaŭki z padśvietkaj i biez, stylnyja śmiećcievyja kantejniery i viełaparkoŭki.

Płan nabiarežnaj u Lidzie. Krynica: icetrade.by

Naviesaŭ z łaŭkami ŭnutry pastaviać dva, łavak z padśvietkaj budzie vosiem, draŭlanych łavak z vysokimi śpinkami — 19.

Navies dla lidskaj nabiarežnaj. Krynica: icetrade.by

Navies dla lidskaj nabiarežnaj. Krynica: icetrade.by

Na ŭsio źbirajucca vydatkavać kala 646 tysiač rub. z srodkaŭ budaŭničaha pradpryjemstva «Lidskaja pierasoŭnaja miechanizavanaja kałona — 169». Harantyja budzie piać hadoŭ.

Małyja architekturnyja formy dla ŭładkavańnia lidskaj nabiarežnaj. Krynica: icetrade.by

Taksama ŭ ramkach uparadkavańnia horada ŭ Lidzie źbirajucca stvaryć zonu adpačynku na piešachodnaj vulicy z łaŭkami, stolikami i litymi lichtarami. Novyja łaŭki źjaviacca taksama na płoščy kala dziciačaj škoły mastactvaŭ. Maštabnym stanie i azielanieńnie horada — u Lidzie vyrašyli ŭstalavać 600 novych kvietnikaŭ i raźbić 20 novych kłumbaŭ. Z rajonnaha biudžetu na heta vydzielili kala siamisot tysiač rubloŭ.

Kamientary da artykuła