Sinoptyki pieradali aranžavy ŭzrovień niebiaśpieki na siońnia
Siońnia, u subotu, pa zachodniaj pałovie krainy čakajucca navalnicy, miescami pry navalnicach — mocnyja zalevy, hrad i škvalistaje ŭzmacnieńnie vietru paryvami 15-20 m/s, u asobnych rajonach 21-24 m/s.
U Minsku viečaram čakajecca navalnica.
U niadzielu na bolšaj častcy terytoryi krainy projduć daždžy, nočču miescami mocnyja daždžy. Viecier miescami mocny paryvisty.
Nočču +12..+18°S, pa paŭdniovym uschodzie krainy da +20°S, maksimalnaja dniom budzie ad +20°S pa zachadzie da +30°S pa paŭdniovym uschodzie.
U paniadziełak pachaładaje.
Unačy časam daždžy, miescami mocnyja daždžy; dniom na bolšaj častcy terytoryi krainy projduć karotkačasovyja daždžy. U asobnych rajonach navalnicy.
Nočču składzie ad +9°S pa zachadzie da +19°S pa paŭdniovym uschodzie, maksimalnaja dniom +14..+20°S, pa paŭdniovym uschodzie da +23°S.