U Indyi pabudavali samy vysoki čyhunačny most u śviecie

Premjer-ministr Indyi Narendra Modzi adkryŭ Čynabski čyhunačny most, jaki złučaje Kašmirskuju dalinu z astatniaj častkaj krainy. Pra heta sam palityk paviedamiŭ u sacsietcy X.

Most maje daŭžyniu 1,3 kiłamietra i znachodzicca na vyšyni 359 mietraŭ nad uzroŭniem mora — heta robić jaho samym vysokim čyhunačnym mostam u śviecie. Centralny pralot mosta składaje 467 mietraŭ. Arkavaja kanstrukcyja budavałasia niekalki dziasiatkaŭ hadoŭ, prajekt zapatrabavaŭ inviestycyj u pamiery 160 miljonaŭ dalaraŭ.

Narendra Modzi adznačyŭ, što Indyja hanarycca zdolnaściu budavać sučasnuju infrastrukturu navat u samych składanych umovach, i hety prajekt — jarkaje tamu paćviardžeńnie.

Čakajecca, što novy most značna palepšyć transpartnuju suviaź pamiž haradami Džamu i Srynahar, što budzie spryjać raźvićciu ŭ rehijonie handlu i turyzmu.

Kamientary da artykuła