Baćka Iłana Maska prylacieŭ u Maskvu dla ŭdziełu ŭ forumie, arhanizavanym Duhinym
Biznesmien i handlar kaštoŭnymi kamianiami, a taksama baćka miljardera Iłana Maska Erał Mask prylacieŭ u Rasiju dla ŭdziełu ŭ «Forumie budučyni 2050». Hety forum projdzie ŭ rasijskaj stalicy 9-10 červienia, a arhanizuje jaho Instytut Carhrada, jakim kiruje ideołah «ruskaha śvietu» Alaksandr Duhin.
Erał Mask. Fota: Errol Graham Musk / X
Mask-starejšy źbirajecca vystupić na mierapryjemstvie ŭ jakaści śpikiera.
U videa, zapisanym resursam «Caŕhrad» z hetaj nahody, Erał Mask nazvaŭ rasijan «adnymi z samych razumnych ludziej na płaniecie», zajaviŭ, što «było b varjactvam nie spytać ich mierkavańnie pa raznastajnych pytańniach», i što jamu sumna lotać u inšyja krainy.
Raniej Erał Mask acharaktaryzavaŭ roznahałośsi pamiž svaim synam i prezidentam ZŠA Donaldam Trampam jak sutyknieńnie dvuch «alfa-samcoŭ». Jon parekamiendavaŭ svajmu naščadku sastupić u hetym supraćstajańni.
Čytajcie taksama:
Baćka Iłana Maska maje dvaich dziaciej ad svajoj padčarki, jakaja maładziejšaja za jaho na 42 hady
Iłan Mask niezadoŭha da adstaŭki pabiŭsia ź ministram finansaŭ
Bahaćcie Iłana Maska za adzin dzień skaraciłasia na $34 młrd paśla svarki z Trampam
Mask pasvaryŭsia z Trampam: prezident ZŠA ździŭleny napadkami miljardera