Renault budzie vyrablać bieśpiłotniki va Ukrainie
Častka bieśpiłotnikaŭ budzie pieradadziena i francuzskaj armii.
FPV-dron u rukach ukrainskaha vajskoŭca. Fota: AP Photo/Efrem Lukatsky, File
Aŭtamabilny kancern Renault budzie vyrablać bieśpiłotniki va Ukrainie.
Ministr uzbrojenych sił Francyi Siebaśćian Lekarniu dniami abviaściŭ, što «bujnaja kampanija, jakaja vyrablaje francuzskija aŭtamabili», budzie vyrablać bieśpiłotniki va Ukrainie. Havorka idzie pra hrupu Renault, paviedamlaje France Info.
Aŭtavytvorca źbirajecca supracoŭničać z francuzskimi małymi i siarednimi pradpryjemstvami z abaronnaj śfiery, čyje vytvorčyja linii buduć u niekalkich dziasiatkach abo sotniach kiłamietraŭ ad frontu.
Renault paćviardžaje, što ź im źviazaŭsia ŭrad, ale zajaŭlaje, što «na dadzieny momant nijakich rašeńniaŭ nie pryniata».
Častka bieśpiłotnikaŭ, vyrablenych niepasredna va Ukrainie, taksama budzie pieradadziena francuzskaj armii dla zabieśpiačeńnia pastajannaj taktyčnaj i apieratyŭnaj padrychtoŭki.