FIFA adchiliła prośbu Biełarusi pravieści matč suprać Šatłandyi ŭ Minsku
FIFA adchiliła prośbu Asacyjacyi «Biełaruskaja fiederacyja futboła» pravieści matč kvalifikacyi čempijanatu śvietu suprać Šatłandyi ŭ vieraśni na Nacyjanalnym stadyjonie ŭ Minsku, piša «Presboł».
Nacyjanalny futbolny stadyjon u Minsku adkryli ŭ subotu
Na kanhresie FIFA ŭ Parahvai pradstaŭniki biełaruskaha boku źviarnulisia z apošniaj apielacyjaj da kiraŭničaha orhana suśvietnaha futboła, jakaja była adchilena.
Nahadajem, paśla pačatku vajny va Ukrainie na Biełaruś byli nakładzienyja minimalnyja sankcyi. Zbornaja i kłuby vymušanyja prymać sapiernikaŭ na niejtralnych stadyjonach (u Sierbii, Vienhryi, Azierbajdžanie).
Umoŭna chatni matč suprać Šatłandyi pavinien prajści 8 vieraśnia. Biełaruś taksama trapiła ŭ adnu hrupu z Hrecyjaj i Danijaj. Start — 5 vieraśnia haściavym matčam suprać Hrecyi.