U Breście zatrymali rasijanina, jaki sprabavaŭ zajechać u Polšču pa ŭkrainskim padrobnym pašparcie
Uviečary 6 červienia bresckija pamiežniki ŭ punkcie propusku «Brest», zatrymali mužčynu, jaki mieŭ namier vyjechać u Polšču, paviedamlaje Pamiežny kamitet.
Padčas praviadzieńnia pamiežnaha kantrolu vyśvietliłasia, što pašpart hramadzianina Ukrainy maje prykmiety poŭnaj padrobki. Pry ahladzie asabistych rečaŭ u jaho byŭ znojdzieny sapraŭdny rasijski pašpart.
Mužčyna patłumačyŭ, što płanavaŭ vyjechać u Jeŭrasajuz da svaich svajakoŭ.
Jaho zatrymali i źmiaścili ŭ izalatar časovaha ŭtrymańnia Bresckaj pamiežnaj hrupy. Za sprobu niezakonnaha pierasiačeńnia miažy jamu pahražaje štraf da 100 bazavych vieličyń (4200 rubloŭ).
Akramia taho, za vykarystańnie padroblenych dakumientaŭ praduhledžana kryminalnaja adkaznaść — abmiežavańnie voli na termin da dvuch hadoŭ.