Aŭtobus z 22 pasažyrami, mikraaŭtobus i lehkavy aŭtamabil patrapili ŭ DTZ na trasie M-1 u Baranavickim rajonie. Jość zahinuły
Paśla avaryi aŭtamabil zahareŭsia.
10 červienia kala 21:32 na 246-m kiłamietry aŭtadarohi M1-Je30 «Brest—Minsk—hranica RF» u Baranavickim rajonie adbyłosia surjoznaje DTZ z udziełam troch transpartnych srodkaŭ, u vyniku jakoha zahinuŭ čałaviek.
Papiarednie ŭstanoŭlena, što 44-hadovy žychar Bresta, kirujučy aŭtamabilem Peugeot, nie vybraŭ biaśpiečnuju dystancyju i sutyknuŭsia z Audi, jakim kiravaŭ 34-hadovy brestčanin.
U vyniku Peugeot źjechaŭ na pravuju abočynu, a Audi — na levuju pałasu, dzie spyniŭsia.
U hety momant pa levaj pałasie ruchaŭsia aŭtobus MAN. Z-za pieraškody kiroŭca nie paśpieŭ źnizić chutkaść i ŭrezaŭsia ŭ Audi, paśla čaho lehkavik zahareŭsia.
Vadziciel Audi zahinuŭ na miescy. U aŭtobusie znachodzilisia 22 pasažyry. Adna ź ich, 54-hadovaja žančyna, atrymała traŭmy, ale paśla miedycynskaj dapamohi była adpuščana.