Rasija choča pravieści pieramovy z ZŠA ŭ Maskvie
U Maskvie praciahnucca pieramovy pa ŭrehulavańni napružanych adnosin pamiž Rasijaj i ZŠA.
Pavodle słoŭ pasła Rasii ŭ ZŠA Alaksandra Darčejeva, Vašynhton viadzie z Maskvoj «prahmatyčny torh» pa pytańniach, što datyčacca ŭstaranieńnia «razdražnialnikaŭ» u dvuchbakovych adnosinach.
«Ja mahu paćvierdzić, što nastupnyja pieramovy pamiž delehacyjami adbuducca ŭ Maskvie ŭ samy bližejšy čas», — zajaviŭ Darčejeŭ ahienctvu TASS.
Raniej pradstaŭniki abodvuch bakoŭ praviali pieramovy ŭ Stambule. Pavodle słoŭ Darčejeva, da zbližeńnia rasijska-amierykanskich adnosin jašče daloka: «Heta nie harantuje chutki vynik, uličvajučy nie supadajučyja, miakka kažučy, pazicyi pa mnohich nadzionnych temach i ciažkaści z pošukam ahulnaha nazoŭnika, ale zadaje pieramoŭny viektar u raźvićci pazityŭnych impulsaŭ, što sychodziać ad prezidentaŭ Rasii i ZŠA».