Polski Siejm vynies votum davieru ŭradu Tuska, jon praciahnie pracu
Hałasavańnie inicyjavaŭ sam premjer paśla taho, jak kandydat ad kiraŭničaj kaalicyi prajhraŭ prezidenckija vybary.
Donald Tusk. Fota: Henry Nicholls, Pool Photo via AP
Siejm Polščy vynies votum davieru ŭradu libieralnaj kaalicyi na čale z Donaldam Tuskam.
U padtrymku ŭrada prahałasavali 243 deputaty, suprać vystupili 210. Takim čynam, kabiniet Tuska, jaki byŭ sfarmavany pa vynikach parłamienckich vybaraŭ 2023 hoda, praciahnie pracu.
Hałasavańnie pa votumie davieru inicyjavaŭ sam premjer paśla taho, jak kandydat ad kirujučaj «Hramadzianskaj kaalicyi» Rafał Tšaskoŭski prajhraŭ u druhim tury prezidenckich vybaraŭ.
Pieramohu z vynikam 50,89% śviatkavaŭ Karal Naŭrocki, jakoha padtrymlivała apazicyjnaja partyja «Prava i spraviadlivaść». Jon ustupić na pasadu prezidenta 6 žniŭnia.
Čytajcie taksama:
Prezidentam Polščy staŭ Naŭrocki — 51%
Biełarusy Padlašša hałasavali za Tšaskoŭskaha
Cichanoŭskaja pavinšavała Naŭrockaha z abrańniem na post prezidenta Polščy
Zianon Paźniak adpraviŭ sardečnyja vinšavańni Karalu Naŭrockamu