Izrailskija ŚMI: jadzierny reaktar u iranskim Natanzie źniščany daščentu
CACHAŁ zajaviŭ pra zaviaršeńnie maštabnaha ŭdaru pa sistemie SPA na zachadzie Irana. Miarkujučy pa načnych i ranišnich videa, iranskaja SPA była niazdolnaja źbivać izrailskija rakiety i drony.
Momant udaru supraćbunkiernymi bojeprypasami pa jadziernych padziemnych abjektach u Natanzie. Skrynšot videa
Za noč i ranak bajavyja samaloty VPS Izraila, pa navodcy Upraŭleńnia vajskovaj raźviedki, nanieśli ŭdar pa sistemie supraćpavietranaj abarony Irana.
U vyniku atak byli źniščany dziasiatki radaraŭ i puskavych ustanovak zienitnych rakiet.
«Hetyja ŭdary palapšajuć svabodu pavietranych apieracyj VPS Izraila», — padsumoŭvaje CACHAŁ.
Niama śviedčańniaŭ, kab Izrail padčas pieršaj chvali ŭdaraŭ straciŭ choć adzin samalot. Miarkujučy pa videa, iranskaja SPA była niazdolnaja źbivać izrailskija rakiety i drony, jakija nanosili ŭdary jak u Tehieranie, tak i ŭ rajonie abjektaŭ iranskaj jadziernaj prahramy.
Izrailskija ŚMI paviedamlajuć, što jadzierny reaktar u iranskim Natanzie źniščany daščentu.