Pucin asudziŭ parušeńnie Izrailem Statuta AAN i normaŭ mižnarodnaha prava
13 červienia prezident Rasii Uładzimir Pucin pravioŭ telefonnyja razmovy z prezidentam Irana Masudam Piezieškijanam i premjer-ministram Izraila Bińjaminam Nietańjachu, paviedamiła pres-słužba Kramla. Temaj razmovy stała ataka Izraila na Iran.
Uładzimir Pucin. Skrynšot ź videa
U razmovie ź iranskim prezidentam Pucin vykazaŭ jamu i iranskamu narodu spačuvańni, padkreśliŭšy, što Rasija asudžaje dziejańni Izraila, bo jany parušajuć Statut AAN i normy mižnarodnaha prava. Rasijski bok, maŭlaŭ, zaŭsiody vystupaŭ za mirnaje vyrašeńnie pytańniaŭ, źviazanych ź iranskaj jadziernaj prahramaj, i ŭnosiŭ kankretnyja prapanovy pa dasiahnieńni ŭzajemaprymalnych rašeńniaŭ.
U razmovie ź izrailskim premjeram Pucin adznačyŭ nieabchodnaść viartańnia da pieramoŭ i zaklikaŭ vyrašać usie sprečnyja pytańni vyklučna dypłamatyčnym šlacham. Taksama jon vykazaŭ hatoŭnaść Rasii vystupić u roli pasiarednika, kab praduchilić dalejšuju eskałacyju kanfliktu.
Čytajcie taksama:
Iran abviaściŭ, što zapuskaje 100 balistyčnych rakiet pa Izraili
Izrailskaja rakieta ŭdaryła pa rezidencyi Viarchoŭnaha lidara Irana Ali Siejeda Chamieniei
Padčas izrailskaj ataki na Iran zabili kamandzira śpiecpadraździaleńnia «Kuds»
Nietańjachu ŭvioŭ Iran u zman z dapamohaj viasiella, a Tramp — svaimi zajavami