Iran pryznaŭ hibiel jašče dvuch vysokapastaŭlenych vojenačalnikaŭ

Ułady Irana zajavili pra hibiel jašče dvuch vysokapastaŭlenych hienierałaŭ u vyniku izrailskich udaraŭ u noč na subotu.

Ilustracyjnaje fota: Vahid Salemi / AP

Pavodle paviedamleńniaŭ dziaržaŭnaha telebačańnia, zahinuli hienierał Hałamreza Miechrabi, namieśnik načalnika raźviedki Hienieralnaha štaba Uzbrojenych sił, i hienierał Miechdzi Rabani, namieśnik načalnika apieratyŭnaha kamandavańnia.

U piatnicu ŭ vyniku izrailskich udaraŭ byli zabity adrazu niekalki vysokapastaŭlenych vojenačalnikaŭ, uklučajučy kiraŭnika Korpusa vartavych isłamskaj revalucyi Chasejna Sałami. Akramia vajskoŭcaŭ, achviarami udaraŭ stali jak minimum šeść jadziernych navukoŭcaŭ, jakija mieli dačynieńnie da jadziernaj prahramy Irana.

Blizkaŭschodni ahladalnik Bi-bi-si Siebaśćian Ašier ličyć, što ataka Izraila «vidavočna, pieraniała častku stratehii, jakaja vykarystoŭvałasia padčas izrailskaha nastupu na «Chiezbału» ŭ Livanie ŭ listapadzie minułaha hoda» — udary z metaj vyvadu z ładu klučavych členaŭ kiraŭnictva Irana.

Kamientary da artykuła