Padčas izrailskich udaraŭ zahinuŭ daradca ajatały Chamieniei, jaki letaś prylataŭ u Minsk
Adnym z vysokapastaŭlenych čynoŭnikaŭ, jakija zahinuli paśla ŭčarašnich avijaŭdaraŭ Izraila pa Iranie, staŭ adzin z hałoŭnych daradcaŭ viarchoŭnaha lidara hetaj krainy ajatały Ali Chamieniei — Ali Šamchani. Pra heta paviedamili iranskija dziaržaŭnyja ŚMI, a taksama amierykanski kanał CNN.
Ali Šamchani. Fota: Fatemeh Bahrami/Anadolu Agency via Getty Images
Šamchani byŭ adnoj z najbolš upłyvovych asob u iranskaj palitycy: u minułym jon zajmaŭ pasadu ministra abarony (da 2005 hoda) i amal dziesiać hadoŭ uznačalvaŭ Viarchoŭnuju radu nacyjanalnaj biaśpieki Irana. Z maja 2023 hoda jon ličyŭsia klučavym daradcam ajatały pa pytańniach biaśpieki i źniešniaj palityki.
Taksama viadoma, što Šamchani mieŭ dobryja suviazi z zachodnimi dypłamatyčnymi kołami, asabliva ŭ Vašynhtonie i Jeŭropie. Jon, u pryvatnaści, pradstaŭlaŭ Iran na pieramovach pa adnaŭleńni dypłamatyčnych adnosin z Saudaŭskaj Aravijaj.
Siarod inšaha jon 12 vieraśnia 2024 hoda prylataŭ pa niejkich spravach i ŭ Minsk — prajezdam z sustrečy najvyšejšaha kiraŭnictva siłavikoŭ krain — členaŭ BRIKS u Sankt-Pieciarburhu. Detali jahonaha znachodžańnia ŭ Biełarusi aficyjna nie paviedamlalisia.
Čytajcie taksama:
Biaśpieka Irana pad pytańniem: jahony ŭrad niazdolny abaranić navat sam siabie
Nietańjachu: «Nieŭzabavie vy ŭbačycie izrailskija samaloty ŭ niebie nad Tehieranam»
U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ
Iran pryznaŭ hibiel jašče dvuch vysokapastaŭlenych vojenačalnikaŭ
Padčas izrailskaj ataki na Iran zabili kamandzira śpiecpadraździaleńnia «Kuds»
Nietańjachu ŭvioŭ Iran u zman z dapamohaj viasiella, a Tramp — svaimi zajavami