Irancy ŭciakajuć z bujnych haradoŭ, na darohach zatory — Nietańjachu abiacaje novyja ŭdary

Niekatoryja žychary Tehierana pačali pakidać stalicu Irana na fonie paniki, jakaja achapiła krainu praz eskałacyju kanfliktu ź Izrailem.

Razbureńni ad izrailskich udaraŭ 13 červienia 2025 hoda ŭ Tehieranie, Iran. Fota: Majid Saeedi / Getty Images

Šmat chto nakiroŭvajecca na poŭnač, u bok Kaśpijskaha mora, dzie bolš sielskija i izalavanyja miaściny. Ale, jak paviedamili CNN žychary, darohi nastolki pierahružanyja, što pieramiaščacca vielmi składana.

Adna siamja, jakaja pažadała zastacca ananimnaj, vyrašyła pakinuć Tehieran razam z dvuma małymi dziećmi i pažyłymi baćkami. 

«Ja nie chaču pakidać svoj dom, ale ja nie źbirajusia padviarhać svaich maleńkich dziaciej takoj niebiaśpiecy, — skazaŭ mužčyna. — Spadziajusia, što ZŠA ŭmiašajucca i spyniać ataki z abodvuch bakoŭ».

U horadzie Šyraz utvarylisia doŭhija čerhi na zapraŭkach. Žychary taksama pačali masava skuplać pradukty, vadu i dziciačyja padhuźniki.

Pa horadzie bačna aŭtamabili, nabityja siemjami z valizami i butlami z vadoj, pryčeplenymi da dachu, — mnohija pakidajuć horad i nakiroŭvajucca ŭ sielskuju miascovaść.

Premjer-ministr Izraila Bińjamin Nietańjachu paabiacaŭ «nanieści ŭdary pa kožnym abjekcie i kožnaj celi režymu ajatoł». 

Izrail zaklikaŭ evakuiravacca žycharoŭ Irana, jakija žyvuć kala zbrojevych zavodaŭ.

Kamientary da artykuła