Iran pahražaje pierakryć Armuzski praliŭ. Čym heta pahražaje Jeŭropie i śvietu?
Iranski deputat Ismaił Kasary, jaki raniej uvachodziŭ u kamandny skład Revalucyjnaj hvardyi, u intervju miascovym ŚMI zajaviŭ, što iranskija ŭłady ciapier razhladajuć pytańnie ab zakryćci ŭ adkaz na izrailskija ataki Armuzskaha praliva i «Iran rašuča prymie najlepšaje rašeńnie», piša Euronews. Što heta budzie aznačać dla Jeŭropy i śvietu i što pastaŭlena na kartu, kali takoje adbudziecca?
Armuzski praliŭ — adzin z samych stratehična važnych vuzłoŭ u śviecie, i lubaja błakada z boku Irana stvoryć surjoznyja ryzyki dla Jeŭropy i śvietu, asabliva ŭ śfiery ekanomiki, enierhietyki i biaśpieki.
Kali praliŭ budzie zabłakavany, to moža zdarycca nastupnaje:
1. Enierhietyčny kryzis. Kala 20% suśvietnaj nafty i značnaja častka zvadkavanaha hazu transpartujucca praz Armuzski praliŭ. Jeŭropa impartuje naftu i ZPH z krain Piersidskaha zaliva — Saudaŭskaj Aravii, Katara i Abjadnanych Arabskich Emirataŭ. Kali Iran pierakryje hety maršrut, ceny na naftu rezka vyrastuć, a ŭ Jeŭropie moža ŭźniknuć deficyt paliva.
2. Ekanamičny šok. Pavyšeńnie cen na naftu vykliča rost inflacyi, padaražańnie enierharesursaŭ i prablemy ŭ pramysłovaści. Najbolš pacierpiać transpartny siektar, sielskaja haspadarka i vytvorčaść. Finansavyja rynki taksama mohuć adreahavać niestabilnaściu i padzieńniami.
3. Ryzyka vajennaj eskałacyi. Błakada praliva moža pryvieści da vajennych dziejańniaŭ z udziełam ZŠA, jeŭrapiejskich fłotaŭ i krain Piersidskaha zaliva. Heta pahražaje šyrokamaštabnym kanfliktam u rehijonie.
4. Parušeńni handlu i łahistyki. Armuzski praliŭ — važny šlach nie tolki dla nafty, ale i dla inšych tavaraŭ. Jaho zakryćcio aznačaje zatrymki ŭ pastaŭkach syraviny, elektroniki i spažyvieckich tavaraŭ. Pastaŭki mohuć padaražeć z-za rostu strachavych uznosaŭ na marskija pieravozki, što adabjecca na jeŭrapiejskich biznesach i spažyŭcach.
Armuzski praliŭ — heta adziny marski šlach, praź jaki naftu transpartujuć z krain Piersidskaha zaliva. Jon ličycca adnoj z najvažniejšych handlovych arteryj u rehijonie. Praliŭ złučaje Amanski zaliŭ (na paŭdniovy ŭschod) ź Piersidskim (na paŭdniovy zachad).
U samym vuzkim miescy šyrynia praliva — usiaho 54 kiłamietry. Z poŭdnia jaho abmiažoŭvajuć Aman i Abjadnanyja Arabskija Emiraty, z poŭnačy — Iran. Paśla adniaćcia terytaryjalnych vod hetych krain dla sudnachodstva zastajucca tolki dva vuzkija kalidory šyrynioj pryblizna 2,5 kiłamietra kožny. I mienavita praz adzin ź ich štodnia prachodziać supiertankiery, što pieravoziać kala 15 miljonaŭ barelaŭ nafty.
Biaśpieka Irana pad pytańniem: jahony ŭrad niazdolny abaranić navat sam siabie
U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ
Ajatała Chamieniei: Izrail adkaža za hetyja ataki
Padčas izrailskaj ataki na Iran zabili kamandzira śpiecpadraździaleńnia «Kuds»
«Rasijskija mu-mu vyhladajuć blednavata». Što pra ataki Izraila na Iran pišuć rasijskija vajenkary
Ciapier čytajuć
Za palityku asudzili šmatdzietnaha baćku-viernika. Jaho žonka pamierła dva hady tamu5
Za palityku asudzili šmatdzietnaha baćku-viernika. Jaho žonka pamierła dva hady tamu
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary