Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet
«Nikomu nie raju takoje pieražyć».
Vova Čarničkin pakazvaje kvateru paśla rakietnaj ataki. Skrynšoty videa ŭ tyktoku
Biełarus Vova Čarničkin pierajechaŭ u Izrail. Razam z žonkaj i synam jon žyvie ŭ Bat-Jamie. Paśla ataki Irana na Izrail u noč na 15 červienia prylacieła i pa jaho domie.
Błohier (u jaho amal 33 tysiačy padpisčykaŭ u tyktoku) pakazvaje, jak vyhladaje ich žyllo. Udaram vybiła dźviery, raskałoła stol, raskidała rečy.
«My adzinyja, u kaho nie vybiła vokny, tamu što my ich krychu pryadčyniajem», — raskazvaje Čarničkin.
Jon piša, što cudam zastalisia žyvyja. Na adnym ź videa bačna, jak haryć susiedni dom.
«Heta žach, nikomu nie raju takoje pieražyć», — kaža mužčyna.
Ciapier siamja šukaje, kudy časova pierasialicca.
Padčas udaru pa Bat-Jamu zahinuła siem čałaviek. Paviedamlałasia, što piaciora zahinułych — ukraincy.
Čytajcie taksama:
Izrail zabiŭ kiraŭnika iranskaj raźviedki i jahonaha namieśnika
Tehieran haryć. Izrailskija źniščalniki praciahvajuć udary, pakul SPA Irana biaśsilnaja