Va Ukrainu viarnuli jašče 1245 ciełaŭ zahinułych
Repatryjacyjnaja častka stambulskich damoŭlenaściaŭ zavieršanaja.
Fota: Kaardynacyjny štab pa pytańniach vajenapałonnych
Siońnia adbyŭsia zaviaršalny etap repatryjacyjnych mierapryjemstvaŭ zhodna z damoŭlenaściami ŭ Stambule. Va Ukrainu viernuta jašče 1245 ciełaŭ, jakija pa śćviardžeńni rasijskaha boku naležać ukrainskim vajskoŭcam, paviedamlaje Kaardynacyjny štab pa pytańniach vajennapałonnych.
Takim čynam, Ukraina atrymała 6057 ciełaŭ u ramkach stambulskich damoŭlenaściaŭ.
Śledčymi pravaachoŭnych orhanaŭ sumiesna z ekśpiertnymi ŭstanovami MUS buduć ažyćcioŭleny ŭsie nieabchodnyja ekśpiertyzy i praviedziena identyfikacyja repatryjavanych cieł.
Repatryjacyjnyja mierapryjemstvy ŭdałosia pravieści pa vynikach sumiesnaj pracy supracoŭnikaŭ Kaardynacyjnaha štaba pa pytańniach abychodžańnia z vajennapałonnymi, Abjadnanaha centra pry Radzie biaśpieki Ukrainy, Uzbrojenych sił Ukrainy, MUS Ukrainy, ofisa ŭpaŭnavažanaha Viarchoŭnaj Rady Ukrainy pa pravach čałavieka i inšych.