Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha
Rasija prosta technična nie moža paŭtaryć toj fokus, jaki byŭ u lutym 2022 hoda, vykazaŭ mierkavańnie Jaŭhien Mahda ŭ efiry «Jeŭraradyjo».
Jak viadoma, Minabarony Biełarusi zajaviła, što sumiesnyja biełaruska-rasijskija vučeńni «Zachad-2025» buduć adniesienyja ad zachodnich miežaŭ.
Ukrainski palitołah Jaŭhien Mahda ŭ efiry «Jeŭraradyjo» vykazaŭ upeŭnienaść, što heta moža być śviedčańniem taho, što «Rasija nie maje sił dla taho, kab raspylacca na praviadzieńnie vučeńniaŭ i stvarać dla Ukrainy niejkuju efiemiernuju pahrozu».
«Siońnia zranku było paviedamleńnie, što amierykancy pierakidvajuć biesprecedentnuju kolkaść samalotaŭ-zapraŭščykaŭ u Jeŭropu.
Pierakinuć vialikuju kolkaść bronietechniki z Rasii ŭ Biełaruś prosta tak niemahčyma va ŭmovach spadarožnikavaj raźviedki.
Jaŭhien Mahda. Fota: Ofis Cichanoŭskaj
Ja dumaju, što heta [pieranos vučeńniaŭ] adpaviadaje realijam, jaki skłalisia na siońnia. To-bok, Rasija paŭtaryć toj fokus, jaki byŭ u lutym 2022 hoda z terytoryi Biełarusi, prosta technična nie moža. Jana nie maje čym heta zrabić», — adznačyŭ Mahda.
Čytajcie taksama:
Biełaruś pieranosić vučeńni «Zachad-2025» z zachodnich miežaŭ uhłyb krainy
Zialenski: Łukašenka baicca i pieraniasie vučeńni dalej ad miažy z Ukrainaj