Što čakaje Połk Kalinoŭskaha paśla mahčymaha pieramirja i ci zojdzie USU na terytoryju Biełarusi? Razvažaje palitołah Mahda
«Doŭhaterminovaha spynieńnia vajny nie budzie», — vykazvaje ŭpeŭnienaść u efiry «Jeŭraradyjo» ŭkrainski palitołah Jaŭhien Mahda.
Što ŭ vyniku pieramirja čakaje Połk Kalinoŭskaha? Na dumku palitołaha, paŭzu ŭ bajavych dziejańniach uładam Ukrainy treba vykarystać dla bolš dakładnaha jurydyčnaha afarmleńnia zamiežnych dobraachvotnikaŭ, jakija vajujuć u składzie pałka i Internacyjanalnaha lehijona, dla taho, kab jany adčuvali siabie bolš upeŭniena.
Mahda sumniavajecca, što ŭ Łukašenki atrymajecca sieści za stoł pieramovaŭ. Łukašenka moh by pasprabavać «kupić» uvahu Zachadu, ale ŭ jaho heta nie atrymlivajecca. Adzinaje, što jon maje jak ryčah uździejańnia — palityčnyja viaźni, i, mahčyma, jon budzie sprabavać vyzvalać niekatorych, kab pakazać svaju hatoŭnaść da pieramovaŭ.
Palitołah ličyć, što ZŠA mohuć razhladać varyjant źmiakčeńnia sankcyj suprać Biełarusi, kab vyrvać jaje z-pad upłyvu Rasii. Ale Mahda nie bačyć realnych scenaryjaŭ, jak heta moža adbycca. Bo i ŭzrovień zaležnaści ad Rasii vialiki, i z zachodnimi lidarami sapsavanyja adnosiny.
«Łukašenka nahadvaje čałavieka, jaki pa vusy siadzić u rasijskim bałocie. I jon ža nie baron Miunchhaŭzien, kab vyciahnuć siabie samomu».
Palitołah taksama vykazaŭ svajo staŭleńnie da razmoŭ ab mahčymaści zachodu na terytoryju Biełarusi padraździaleńniaŭ Uzbrojenych sił Ukrainy.
Mahda miarkuje, što ŭ siońniašniaj situacyi hety scenaryj nie nadta realistyčny, jon dla Ukrainy nie pryjarytetny.
Jon nahadvaje, što pamiž našymi krainami zachoŭvajucca dypłamatyčnyja adnosiny.
«Praz taki scenaryj mohuć havaryć pra Ukrainu jak pra intervienta. I, niahledziačy na ŭsiu palityku Łukašenki, tut budzie situacyja takaja: chto budzie kryčać hučniej. A ja bajusia, što kramloŭskija prapahandysty i jeŭrapiejskija pucinfierštejery buduć kryčać macniej, čym pradstaŭniki biełaruskich demakratyčnych sił i, mahčyma, ukrainskaj ułady».
Ciapier čytajuć
Chto taja Alina, ź jakoj Łukašenka tancavaŭ hetym razam na navahodnim bali23
Kamientary
Mahda, vozmožno, hovorit o intiehracii inostrannoho lehiona v Siły soprotivlenija na postojannoj osnovie, biez priviazki k vojnie, kak vo Francii. Sdiełať postojannoj časťju armii.