Brytanski parłamient raspuščany, pryznačanyja novyja vybary
Jany projduć 6 maja.
Fota z sajta Bi-Bi-Si
U Vialikabrytanii abvieščana data novych parłamienckich vybaraŭ — jany projduć 6 maja.
Premjer‑ministr Vialikabrytanii Hordan Braun naviedaŭ karalevu ŭ Bukinhiemskim pałacy i paprasiŭ dazvołu raspuścić parłamient i pryznačyć novyja vybary. Karaleva pahadziłasia ź jaho prapanovaj i dataj novych vybaraŭ — 6 maja.
Viarnuŭšysia ŭ svaju rezidencyju na Daŭninh‑stryt, 10, Braŭn u atačeńni čalcoŭ kabinieta aficyjna abviaściŭ datu vybaraŭ. U svajoj karotkaj pramovie brytanski premjer zaklikaŭ vybarščykaŭ dać jamu mandat dla adnaŭleńnia ekanomiki i zaviaršeńnia reformaŭ u sacyjalnaj śfiery.
Analityki adznačajuć, što hałoŭnymi temami pieradvybarčaj kampanii buduć ekanomika, prablemy imihracyi i reformy achovy zdaroŭja.
Upieršyniu ŭ brytanskaj historyi projduć teledebaty ŭ žyvym efiry pamiž liderami najbujniejšych palityčnych partyj. Pavodle apytańniaŭ hramadskaj dumki, napiaredadni vybaraŭ lidziruje apazicyjnaja Kansiervatyŭnaja partyja.