Hramadzianku Burundzi zatrymali ŭ Breście na miažy z čužym pašpartam
Incydent adbyŭsia 11 červienia ŭ punkcie propusku «Brest», paviedamiła pres-słužba Dziaržaŭnaha pamiežnaha kamiteta.
Fota ilustracyjnaje
Maładaja dziaŭčyna pakazała na kantroli prajazny dakumient Bielhii, jaki vyklikaŭ padazreńni ŭ pamiežnikaŭ. U vyniku pravierki vyśvietliłasia, što dakumient joj nie naležyć.
Jak afrykanka paźniej patłumačyła, atrymać vizu dla ŭjezdu ŭ ES joj nie ŭdałosia, tamu jana ŭziała dakumient u svajoj siastry i pasprabavała prajechać u Polšču ź im.
Ciapier dziaŭčynu čakaje adkaznaść: suprać jaje raspačaty administracyjny praces za sprobu niezakonnaha pierasiačeńnia miažy. Jana moža atrymać štraf da 100 bazavych vieličyń, a taksama suprać jaje mohuć raspačać kryminalnuju spravu za vykarystańnie falšyvych dakumientaŭ.
Čytajcie taksama:
U Biełaruś chacieŭ zajechać čałaviek z padroblenym rasijskim pašpartam
U Breście zatrymali rasijanina, jaki sprabavaŭ zajechać u Polšču pa ŭkrainskim padrobnym pašparcie
Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku