Pry ŭjeździe ŭ Hiermaniju biełarus spłaciŭ bujny štraf
U Hiermanii pry ŭjeździe z Polščy zatrymali 33-hadovaha biełarusa z-za ździejśnienaha im raniej parušeńnia, piša «Biełaruś i śviet» sa spasyłkaj na palicyju ziamli Mieklenburh — Piaredniaja Pamieranija.
Fota: bundespolizei.de
Našaha suajčyńnika pravieryli ŭ paniadziełak 16 červienia na pamiežnym pierachodzie Pamielen, kali jon jechaŭ pasažyram u aŭtamabili z polskimi numarami.
«Prahon» pa bazach pakazaŭ, što mužčynu šukajuć u suviazi z vydadzienym prakuraturaj Miunchiena ordaram z-za vyjaŭlenaha faktu niezakonnaha znachodžańnia ŭ krainie biez pašparta.
Jon pavinien byŭ vypłacić štraf 2 360 jeŭra i sudovyja vydatki ŭ pamiery 77,50 jeŭra. Niaspłata mahła paciahnuć za saboj alternatyŭnaje pakarańnie — 29 dzion źniavoleńnia.
Paśla vypłaty ŭsioj paznačanaj sumy hramadzianina tym ža rankam vyzvalili. Pry ŭjeździe ŭ Hiermaniju biełarus spłaciŭ bujny štraf.