Łukašenka: Biełaruś zaŭsiody była, jość i budzie razam z Rasijaj
Pra heta Alaksandr Łukašenka zajaviŭ 20 červienia na sustrečy sa staršyniom Śledčaha kamiteta Rasii Alaksandram Bastrykinym, jaki ŭručyŭ miedal u honar 80-hodździa Vialikaj Pieramohi.
Fota: Kristina Kormilitsyna, Sputnik, Kremlin Pool Photo via AP
«Čas niaprosty, vy heta lepš za mianie razumiejecie, adčuvajecie, pakolki ŭciahnutyja ŭ mnohija pracesy. Va ŭsie. Ja hladžu, vy i na vyzvalenych terytoryjach (najchutčej majucca na ŭvazie akupavanyja ŭkrainskija terytoryi. — NN) pracu znajšli (abo daručyli vam), niemały kavałak ciahniecie. I terarystyčnyja nakiravanaści ŭ našych praciŭnikaŭ i vorahaŭ vielmi surjoznyja, i ŭsio heta znoŭ na vas kładziecca ŭ płanie rasśledavańnia tych ci inšych złačynstvaŭ na terytoryi Rasii.
Ja chaču, kab vy razumieli, što ŭ hety niaprosty čas my z vami. My nie chavali (adzinaja ŭ śviecie dziaržava), što my z Rasijaj. My byli, jość i budziem zaŭsiody z vami. Na nas vy možacie raźličvać», — padkreśliŭ Łukašenka.