Na Niomanie łodku z rybakom adniesła ad bieraha
21 červienia ratavalnikam pastupiła paviedamleńnie ab nieabchodnaści akazańnia dapamohi ŭ pošuku čałavieka, paviedamlaje MNS.
Jak vyśvietliłasia, napiaredadni ranicaj piensijanier adpraviŭsia łavić rybu na raku Nioman kala vioski Žukievičy, što pad Hrodna. Bližej da viečara mužčyna nie viarnuŭsia, i jahonaja žonka źviarnułasia pa dapamohu, bo suviazi ź im nie było.
Rabotniki MNS i supracoŭniki milicyi, abśledujučy vodnuju akvatoryju, znajšli rybaka na procilehłym bierazie raki.
Mužčyna raskazaŭ, što jon rybačyŭ z łodki. Kali padniaŭsia mocny viecier, łodku prybiła da inšaha bieraha, i jon zmoh vybracca na sušu. Pačuŭšy niedamahańnie, mužčyna zastaŭsia čakać dapamohu, a jahonuju łodku paryvami vietru adniesła ŭ nieviadomym napramku.
Ratavalniki pieradali mužčynu rabotnikam chutkaj miedycynskaj dapamohi. Ad špitalizacyi piensijanier admoviŭsia.