Nieŭzabavie na biełaruski rynak vyjdzie novy mabilny apieratar

U 2026 hodzie na rynak mabilnaj suviazi płanuje vyjści «Biełtelekam», paviedamiŭ hienieralny dyrektar kampanii Alaksiej Ivaškin na pres-kanfierencyi, pryśviečanaj 30-hodździu pradpryjemstva.

Jak adznačyŭ Alaksiej Ivaškin, zapusk mabilnaha napramku źjaŭlajecca stratehičnaj metaj kampanii. Stvorana adpaviednaja stratehija raźvićcia, i ŭžo pačata jaje realizacyja. U «Biełtelekamie» padkreślivajuć, što sučasnym abanientam važna atrymlivać kanvierhientnyja pasłuhi — kali fiksavanaja i mabilnaja suviaź abjadnanyja ŭ adzin pakiet.

Ciapier idzie madernizacyja sietak, zakuplajecca «jadro» sistemy. Kampanija supracoŭničaje z «Biełaruskimi vobłačnymi technałohijami» — apierataram infrastruktury, jaki daje dostup da sietak 4G i 5G. Paśla zaviaršeńnia padrychtoŭki «Biełtelekam» vyjdzie na rynak.

Płanujecca, što zapusk adbudziecca paetapna. Spačatku prapanujuć pakietnyja pasłuhi pa pieradačy danych, kab naładzić nadziejnuju sietku. Paśla hetaha zapuściać i hałasavuju suviaź. U kampanii adznačajuć, što majuć niekalki «kozyraŭ u rukavie» i raźličvajuć na kankurentnyja pieravahi pierad inšymi apieratarami.

Akramia mabilnaj suviazi, «Biełtelekam» taksama robić staŭku na raźvićcio centraŭ apracoŭki danych, kibierbiaśpieku, inavacyjnyja IT-pradukty dla biznesu i rašeńni dla «razumnaha horada». Asobnaja ŭvahu, jak zajaŭlajecca, nadajecca raźvićciu IT-kampietencyj i vykarystańniu štučnaha intelektu — jak dla ŭnutranaj aptymizacyi, tak i dla palapšeńnia absłuhoŭvańnia klijentaŭ.

Kamientary da artykuła